Munarmedia.kz.9.07.2025 жыл /Астана/-Қазақстан Республикасының Мәдениет және ақпарат министрлігі 2025 жылғы 28 шілдеде таратқан ресми түсіндірмесінде шетелдік журналист ұғымын қайта анықтады. Құжатқа сәйкес, азаматтығына қарамастан, шетелдік бұқаралық ақпарат құралымен еңбек немесе өзге де шарттық қатынаста тұрған кез келген жеке тұлға «шетелдік журналист» деп есептеледі, деп хабарлайды Exclusive.kz.
Бұл түсіндірмеге қатысты пікірін Құқықтық медиаорталықтың заң қызметі бөлімінің жетекшісі Гүлмира Біржанова білдірді. Оның айтуынша, министрлік ұсынған анықтама ұғымдық тұрғыда түсініксіздік туғызады. Көптеген елде «шетелдік журналист» деп шет мемлекеттің аумағында жұмыс істейтін БАҚ өкілдері ғана танылады. Ал Қазақстанда мұндай санатқа өз елінің азаматтары да еніп кетуі мүмкін — егер олар шетелдік медиа ұйымдармен ынтымақтасса.
Сарапшы бұл логика абсурдқа апаруы мүмкін екенін атап өтті: егер осы тәсілді қолдансақ, шетелдік компаниялармен жұмыс істейтін инженерлерді, мұғалімдерді немесе бағдарламашыларды да «шетелдік маман» деп санауға болар еді.
Біржанова шетелдік БАҚ пен Қазақстанда жұмыс істеуге келетін шетелдік журналист ұғымдарын нақты ажырату қажеттігін айтты. Екі жағдайда да аккредитация рәсімі талап етіледі.
Сонымен қатар, ол «Азаттық» ісі бойынша сот процесінің жалғасып жатқанын еске салды. Келесі сот отырысы 12 тамызға белгіленген.