Munarmedia.kz | 19.06.2026 | ASTANA – 2026 жылғы футболдан әлем чемпионатының топтық кезеңінде Мексика құрамасы Оңтүстік Кореяны жеңіп, қатарынан екінші жеңісін тіркеді.
Кездесудегі жалғыз гол 50-минутта соғылды. Мексика құрамасының қорғаушысы Луис Ромо қарсылас қақпашысының қателігін ұтымды пайдаланып, допты қақпа торына дәл бағыттады.
Осы жеңістен кейін Мексика құрамасы «А» тобында алты ұпаймен көш бастады. Ал Оңтүстік Корея құрамасы үш ұпаймен екінші орында қалды.
Сондай-ақ топтағы тағы бір матчта Швейцария құрамасы Босния және Герцеговинаны 4:1 есебімен ойсырата жеңді.
Бұдан бөлек, Канада құрамасы Қатарды ірі есеппен ұтып, турнирдегі маңызды жеңістерінің біріне қол жеткізді.
Матчтың басты қаһарманы канадалық шабуылшы Джонатан Дэвид болды. Ол қарсылас қақпасына үш гол соғып, хет-трик авторы атанды.
Айта кетейік, бұл – 2026 жылғы әлем чемпионатындағы екінші хет-трик. Бұған дейін Аргентина құрамасының капитаны Лионель Месси Алжирге қарсы матчта үш мәрте мергендік танытқан болатын.
Әлем чемпионаты АҚШ, Канада және Мексика елдерінде өтіп жатыр. Турнирдің топтық кезеңіндегі бәсекелер қыза түсіп, құрамалар плей-офф жолдамалары үшін тартысты күрес жүргізуде.
#ӘлемЧемпионаты2026 #Мексика #ОңтүстікКорея #ЛуисРомо #Канада #ДжонатанДэвид #ЛионельМесси #Футбол #Munarmedia