Munarmedia.kz.9.07.2025 жыл /Астана/-Армения премьер-министрі Никол Пашинян мен Әзербайжан президенті Ильхам Әлиев жұма күні АҚШ президенті Дональд Трамптың қатысуымен Вашингтонда екі ел арасындағы бейбіт қатынастар жөніндегі декларацияға қол қойды, деп хабарлайды Exclusive.kz.
Құжатта тараптар бұған дейін келісілген бейбіт шартты қол қою және ратификациялау бағытында ілгерілеу қажеттігін атап өтеді.
Бұл тарихи қадамнан бұрын, 2020 жылғы қарашада, Әзербайжан армиясы Таулы Қарабахтағы армян күштерін талқандап, 1990-жылдардың басында армяндар басып алған аудандарды қайта бақылауға алған соң, Пашинян мен Әлиев Мәскеуде Ресей президенті Владимир Путиннің қатысуымен атысты тоқтату жөніндегі келісімге қол қойған еді.
Алайда бұл жолы бейбіт декларация Вашингтонда рәсімделді және Мәскеу қақтығысты реттеу процесінен шеттетілді. Құжатта, сонымен қатар, Армения мен Әзербайжанның ЕҚЫҰ Бас хатшысына Минск тобын тарату туралы өтінішпен шығатыны көрсетілген. Бұл топ Қарабах қақтығысын реттеу үшін құрылған еді, оның тең төрағалары Ресей, Франция және АҚШ болған.
BBC-дің орыс қызметінің тілшісі Григор Атанасянның айтуынша, «Ресей Армения мен Әзербайжан арасындағы Қарабах қақтығысында жалғыз төреші болғысы келді, бірақ Украинаға басып кіруі Мәскеудің өңірдегі позициясын әлсіретті. Енді екі елдің басшылары бұл рөлде Американы көргісі келеді».