Munarmedia.kz.07.08.2025 ж. /Астана/-Қазақстан Премьер-министрі Олжас Бектенов Үкімет отырысында Ресей және Қырғызстанмен шекаралас өткізу бекеттеріндегі жөндеу жұмыстарының баяу жүруіне байланысты Қаржы және Көлік министрліктерінің жұмысын қатты сынға алды. Үкімет басшысы Қаржы министрлігіне қарасты Мемлекеттік кірістер комитеті мен Көлік министрлігінің Автомобиль жолдары комитетінің төрағаларын тәртіптік жауапкершілікке тартуды тапсырды.
Бектеновтың айтуынша, жоспарланған 9 шекаралық өткізу пунктінің тек 4-еуі ғана пайдалануға берілген. Қалғандарының құрылысы жыл соңына дейін аяқталуы тиіс, ал Өзбекстанмен шекарадағы «Жібек жолы» бекеті тек 2026 жылы толық аяқталмақ.
Премьер-министр шекарадағы инфрақұрылымдық жұмыстарды жеделдету үшін жауапты тұлғаларды өңірлерге жіберуді бұйырып, кадрлық ресурстарды күшейтуді, техникалық жарақтандыру мен интернетке қолжетімділікті жақсартуды тапсырды.
Сонымен қатар, Қаржы және Көлік министрлері Премьер-министрге өткізу бекеттерінің қайта жаңғыртылу барысы туралы апта сайын есеп беріп отыруға міндеттелді.