Қазақстан ОДКБ мүшесі ретінде соғысқа қатыса ма?

Қазақстан мен Қырғызстан тарапы бейресми әңгімеде ОДКБ Бас хатшысы Иманғали Тасмағамбетовтен Ресейдің ұжымдық күштерге жүгінбеуіне ықпал етуді өтініп сұраған. Ресейдің Курск пен Белгород облыстарына Украинаның Қарулы күштері басып кіргендіктен, Ресей үкіметі үшін формалды түрде ұжымдық қауіпсіздік келісімін іске қосуға мүмкіндік ашылды.

"Иманғали Тасмағамбетов формулировкалармен ойнауға мәжбүр. Әзірге ол Ресей соғыс емес, арнайы әскери операция терминін қолданатындықтан және Украина Ресей аумағына ресми түрде соғыс жариялап кірмегендіктен, ОДКБ күштерін түрлі айла-шарғымен араластырмау мәселесін оңды реттеп отыр" - дейді, DALA INSIDE дереккөзі.

Бірақ келесі аптада Иманғали Нұрғалиұлын Федерация Кеңесінің басшылығы кездесуге тартуы мүмкін. Егер кездесу орын алып жатса, Курск мәселесі де сөз болары анық. Осы кездесуден кейін Ресейдегі сенаторлардың ОДКБ-ға деген тоны қатаңдауы ықтимал.

Әзірге ОДКБ тек Қазақстандағы "Қаңтар оқиғасында" ғана қолданылды. Онда "елімізге шетелден террористер басып кірді" деген формулировка алға тартылғаны есте. Қазір Ресейдің Киев ұйымдастырып отырған шабуылды терроризм деп бағалап отырғанын ескерсек, Думада отырғандардың осы көзірді алға тартатыны күмән туғызбайды.

Тас түскен жеріне ауыр. Тасмағамбетовтың мойнына ауыр жүк артылып отыр. Қазақстанның осы конфликтке араласуын болдырмаса, онда "сын сағатында ұлт үмітін ақтады" деген тарихи бағасын алмақ.

https://t.me/dalainside