2025 жылғы 13 қаңтарда ҚР Премьер-министрі Олжас Бектенов Еңбек мамандықтары жылын өткізу бойынша Комиссия құру туралы өкімге қол қойды. Комиссияның мақсаты:
Еңбек мамандықтарының беделін арттыру;
Техникалық және кәсіптік білім беру жүйесін жаңғырту;
Жастар мен жұмыс берушілерді осы салаға тарту.
Комиссия құрамына негізгі ведомстволардың вице-министрлері, кәсіподақ өкілдері, бизнес қауымдастығының мүшелері және жетекші салалық қауымдастықтар өкілдері енді.
🔹 Комиссияның негізгі міндеттері:
Ұсынымдар мен ұсыныстар әзірлеу;
Барлық мүдделі тараптардың іс-қимылын үйлестіру.
🔹 Жұмыс органы: ҚР Оқу-ағарту министрлігі.
Комиссия отырыстары тоқсанына кемінде бір рет өткізіледі.
📌 Еске сала кетейік:
Еңбек мамандықтары жылын Қазақстан Президенті Қасым-Жомарт Тоқаев 2024 жылғы 2 қыркүйектегі Қазақстан халқына Жолдауында жариялаған болатын. Президент адал және табанды еңбек арқылы жетістікке жеткен адамдарға құрмет көрсетудің маңыздылығын атап өтті.
📸 Фото: Ашық дереккөздер