Қазақстанда мас күйінде көлік жүргізгені үшін жазаны жеңілдетуі мүмкін

Сенатта мас күйінде рөлге отырған жүргізушілерге қатысты жазаны қайта қарау мәселесі талқыланбақ. Сенатор Мұрат Қожаевтың айтуынша, жеті жылға көлік жүргізу құқығынан айырылған азаматтардан парламентке шағымдар түсіп жатыр.

 “Бұл шешім жайдан-жай қабылданған жоқ. Адамдар мас күйінде көлік айдауды жалғастырды, ауыр жол апаттары орын алды. Бірақ қоғам өзгеріп келеді, заң бұзушылықтарды анықтау технологиялары дамып, түсіндіру жұмыстары күшейді. Сондықтан бұл мәселені қайта қарауға болады”, – деді Қожаев.

Бұрын Қазақстанда мас жүргізушілерді алғашында бір жылға, кейін екі жылға, одан кейін бес жылдан жеті жылға дейін құқығынан айыратын. Енді сенатта бұл мерзімді қысқарту мүмкіндігі қарастырылмақ.