Қазақстандық мамандардың айтуынша, Қытайда таралған адам метапневмовирусы (hMPV) көптеген елдерде, соның ішінде Қазақстанда, ұзақ уақыттан бері айналымда жүр. 2025 жылғы 5 қаңтардағы Денсаулық сақтау министрлігінің мәліметінше, метапневмовирус тек зерттелген сынамалардың 1,6%-ында анықталған, бұл басқа тұмауға жатпайтын вирустармен салыстырғанда әлдеқайда аз.
Биылғы қыста ең жиі таралған вирустар:
риновирус – 36,4%,
респираторлық синцитиальды (РС) вирус – 23,2%,
аденовирус – 12,1%,
коронавирус – 11,1%.
Метапневмовирус қалай жұғады?
Вирус ауа-тамшы және тұрмыстық-қатынас жолдарымен беріледі. Негізгі белгілері: жөтел, мұрынның бітуі, қызба, ентігу, бас ауруы.
Аурудың арнайы емі жоқ, симптоматикалық терапия қолданылады.
Тұмау мен ЖРВИ-дің алдын алу шаралары:
Халық көп жиналатын орындарға баруды шектеу.
Бөлмелерді жүйелі түрде желдету.
Қолды антисептикпен өңдеу.
Ауырғандарды оқшаулау және аурудың алғашқы белгілері пайда болғанда дәрігерге жүгіну.
Министрлік ЖРВИ мен тұмаудың маусымдық өсуі туралы еске салып, азаматтарды өз денсаулығына және жақындарының денсаулығына мұқият болуға шақырды. Әсіресе, созылмалы аурулары бар және иммунитеті төмен адамдар ерекше сақ болуы қажет.