Қазақстандықтар тәулігіне нормадан үш есе артық тұз тұтынады

Қазақстан тағамтану академиясы Дүниежүзілік денсаулық сақтау ұйымының елдік офисімен бірлесіп зерттеу жүргізді.

Нәтижесінде елімізде ерлердің 100%-ы және әйелдердің 97%-ы күніне 17 грамм тұз тұтынады.

Бұл Дүниежүзілік денсаулық сақтау ұйымы ұсынған күніне 5 грамм нормадан 3,4 есе артық болып шықты.

Ал тұзды шамадан артық тұтыну қан қысымының жоғарылауына және жүрек-қан тамыры аурулары мен инсульт қаупінің артуына әкеледі.

Мамандың айтуынша, аталған сырқат салдарынан жыл сайын әлемде 3 миллион адам қайтыс болады.