Сот Әйгерім Тілеужанға айыппұл салу туралы шешімді өзгертпеді

Бұл туралы адвокат Айнара Айдархан хабарлады.

Белсенді Әйгерім Тілеужанға айыппұл жазда салынған. Айыппұл туралы қаулыда белсендінің «мекеме қызметкерлері талабына бағынбағаны» жазылған.

Ең қызығы — бұл айыппұл жазаның өтелмеген бөлігін жұмсарту түріне алмастыру бойынша өтініш түсіру мезгілі жақындағанда салынған.

Белсенді мен адвокаты сотқа шағым түсірсе де, апелляция соты белсенді Әйгерім Тілеужанға айыппұл салу туралы шешімді өзгертпеді.

Журналист, саяси белсенді Әйгерім Тілеужан Қаңтар оқиғасы кезінде «Алматы әуежайын басып алуды ұйымдастырды» деген айыппен 4 жылға сотталған.