Munarmedia.kz.9.07.2025 жыл /Астана/-Қазақстан Республикасының Президенті Қасым-Жомарт Тоқаев Вашингтонда Әзербайжан мен Армения басшылары арасында қол қойылған бейбітшілік декларациясын тарихи мәні зор жетістік деп атады. Бұл туралы Мемлекет басшысының Кеңесшісі – Баспасөз хатшысы Руслан Желдібай ресми хабарламада мәлім етті.
Хабарламада атап өтілгендей, құжат қос мемлекет арасындағы ұзақ жылдарға созылған әскери қақтығысты түбегейлі тоқтатуға, дипломатиялық қатынас орнатуға және берік бітім негізінде ынтымақтастықты дамытуға мүмкіндік берді.
Президенттің пікірінше, Әзербайжан мен Арменияның мұндай уағдаластыққа келуіне АҚШ Президенті Дональд Трамптың пәрменді және нәтижелі бітімгерлік миссиясы негізгі себеп болды. Ол екі елдің басшыларын саяси ерік-жігер танытып, стратегиялық тұрғыдан маңызды шешім қабылдауға иландыра алды.
Сонымен қатар, Қасым-Жомарт Тоқаев Қазақстан да бұл келісімге қол жеткізу үдерісіне елеулі үлес қосқанын атап өтті. Атап айтқанда, бейбіт келісімнің негізгі шарттарына қатысты келіссөздер өткізу үшін Алматы қаласы сыртқы істер министрлері деңгейіндегі диалог алаңы ретінде ұсынылған болатын.