Munarmedia.kz.9.07.2025 жыл /Астана/-АҚШ-тағы American Accountability Foundation (AAF) атты оңшыл ұйым, Дональд Трамптың президенттік әкімшілігінің жоғары лауазымды тұлғаларымен байланысы бар, федералдық қызметкерлердің аты-жөні, суреттері мен жеке деректерін қамтитын тізімдерді онлайн жариялады. Ұйым бұл тұлғаларды «радикалды солшыл идеяларды» — атап айтқанда, әртүрлілік, тең құқықтылық және инклюзивтілік (DEI) концепциясын насихаттады деп айыптады, деп хабарлайды Exclusive.kz DW дерегіне сілтеме жасап.

Reuters агенттігінің 7 тамызда жарияланған тергеу материалында аталған тізімге енген адамдар жаппай қудалауға, қорқытуға және қысымға ұшырағаны айтылған. Олардың кейбірі жұмыстан айырылған, ал екеуі қауіпсіздігіне алаңдап, шетелге қоныс аударған.

Тізімдегі тұлғалардың бір бөлігі қызмет жолын республикалық та, демократиялық та әкімшіліктер тұсында ұзақ жылдар бойы жалғастырған тәжірибелі мамандар болған. Дегенмен олардың басым бөлігі жұртшылыққа онша танымал емес мемлекеттік қызметтерде еңбек еткен.

Бастапқыда қарсы саяси лагерь өкілдерін, әсіресе Джо Байденнің айналасындағы оппозицияны нысанаға алған AAF бүгінде Трамптың «саяси қарсыластарды жою» науқанының құралына айналғаны атап өтілді.