АҚШ-тың жаңадан сайланған президенті Дональд Трамп 7 қарашада Ресей президенті Владимир Путинмен бейресми телефон арқылы сөйлесіп, Ресейдің Украинаға қарсы соғысы тақырыбын қозғады. Бұл туралы 10 қараша күні The Washington Post басылымы жағдайдан хабардар дереккөздерге сілтеме жасап жазды.
The Washington Post-тың деректеріне сүйенсек, америкалық саясаткер ресейлік көшбасшыға Флоридадағы курортынан өзі қоңырау шалған. Әңгіме барысында бұрынғы Ақ үй басшысы Ресей президентіне "Украинадағы соғысты ушықтырмауды" ұсынып, "Вашингтонның Еуропадағы айтарлықтай әскери қатысуы" жайлы еске салған.
Трамп, сондай-ақ, Владимир Путинмен "соғысты тез арада шешуге" қатысты алдағы кездесулерге қызығушылығын білдірген. АҚШ-тың жаңа сайланған президенті "жеке әңгімеде" Ресейдің "кейбір басып алынған аумақтарды" бақылауда ұстауына қолдау білдіруге әзір екенін білдірген және бұл мәселені Путинмен сөйлескенде талқылағанын The Washington Post және Deutsche Welle хабарлады.