Мәсімовтен тәркіленген мүлікті сатуға қайтарылған активтерді басқару компаниясы қойған.
Ақпаратқа қарағанда, үй Астананың Нұра ауданында орналасқан. Екі қабатты зәулім сарайдың жалпы ауданы 3000 шаршы метрге жуықтайды. Үй аумағында әртүрлі көлемдегі жер учаскесі бар.
Жылжымайтын мүлік ішіндегі жиһаз, тұрмыстық заттар, әшекей бұйымдар, коллекциялық монеталар, қару-жарақ макеттерімен бірге саудаланып жатыр. Бастапқы баға 1,8 млрд-тан басталған.
Мәсімов Қаңтар оқиғасы кезінде ұсталып, 2023 жылы "мемлекетке опасыздық жасады", "билікті күшпен басып алмақ болды", "елде төңкеріс жасамақ болды" деген айыппен 18 жылға бас еркіндігінен айырылған.