Үш оқушы жарақат алған: Петропавлда төрт жыл бұрын салынған мектептің төбесі опырылып түсті

"4 желтоқсан күні сағат 17:20-да Петропавл қаласындағы №6 Қожаберген жырау атындағы орта мектептің сынып бөлмесінде екі шаршы метр аумақта төбенің сылағы опырылып кеткен. Салдарынан үш бала зардап шекті, олар облыстық балалар ауруханасына бақылауға алынды", – делінген ТЖД хабарламасында.

Қазір үш оқушы облыстық балалар ауруханасына жатқызылған. Жағдайлары тұрақты.

Айта кетейік, 900 орындық бұл мектеп 2020 жылдың тамыз айында пайдалануға берілген болатын.