"Ұялмайтын бет, талмайтын жақ": "Белгілі заңгер Абай Бегейдің отбасын "заңсыз" лотерея ойнатып жүр деп айыптады

Заң саласының маманы танымал блогерлердің ісі құзырлы органдарға жолданғанын айтты. “Еркенің еркелігін қара халық көтере береме екен?! Бұл бойжеткеннің заңсыз лотерея ұйымдастыруы бойынша тиісті құзырлы органдарға арызы жолданды. Жақында шақыртуы жетіп қалады. Біріншіден, бұл заңға қайшы. Екіншіден моральдық тұрғыда ұят болу керек. “100-200 теңге жерге де түсіп қалып жатыр” деп елді алдау – өте төмен тірлік. Мыңдаған адам ақша аударған жерде арнайы автоматтандырылған жүйе болмаған соң, берекетсіз дүние орын алып жатыр екен. 1000 адам қатысып 5 адамға ұтыс беру – таза алдау. Оған қоса, бұл құйтырқылықты қайырымдылықпен жабу қаншалықты иман шартына сай?! Бұл жолда ары таза ұстаздарды контентке пайдалану қаншалықты дұрыс? Бұл ескертуге құлақ аспаса мәселені экономикалық қылмыстармен айналысатын құзырлы органдар мен салық қызметіне жолдайтын боламыз. Әзірге 100МРП айыппұл төлеп қоя салғандарыңыз дұрыс”, – деп жазды заңгер.