Ұялы байланыс операторлары тексеріліп жатыр

Бәсекелестікті қорғау және дамыту агенттігі Кселл, Tele2/Altel және Beeline секілді ұялы байланыс операторларына қатысты 2023 жылы тарифтердің келісілген түрде көтеруі бойынша тергеп-тексеруді бастады.

«Қазіргі уақытта ұялы байланыс операторлары қабылданған шараларға қатысты шағым түсірді. Осыған байланысты тергеу сот шешім қабылдағанға дейін тоқтатылды», делінген хабарламада.

Бұдан басқа «КаР-Тел» ЖШС мен «Қазақтелеком» АҚ-ға қатысты үй интернетінде үстем жағдайды теріс пайдалану бойынша тергеп-тексеру жүргізіліп жатыр.

Сондай-ақ ведомство 2024 жылғы желтоқсаннан бастап тарифтерді көтеру жөніндегі операторлардың хабарларынан кейін ұялы байланыс операторларына қолданыстағы заңнаманы бұзуға жол бермеу туралы ескерту жіберді.