Бүгінде Қазақстан қоғамында қауіпсіздік пен тыныштықтың басты кепілі – жастардың дұрыс жолмен тәрбиеленуі. Алайда, Жетісу облысында болған жағдай бұл қауіптің әлі де өзекті екенін дәлелдеді. Онда жасөспірімдерді заңсыз тіркелмеген діни ұйымдардың идеологиясына тартқан орын анықталды.
Бұл жай ғана оқиға емес, бұл – біздің қоғамның келешегіне төнген нақты қауіп. Көркем сөзбен бүркемеленген «қайырымдылық мекемесі» мен «балалар пансионаты» деген атаулардың артында жасырылған жалғандықтың түбі терең. Шын мәнінде, бұл орындарда жасөспірімдерге заңсыз діни сабақтар өткізіліп, оларды радикалды идеологияға баулуда.
Ең өкініштісі – бұл үрдіс әлі де тоқтаған жоқ. Ұйымдастырушылар бірнеше мәрте сот шешімімен тоқтатылғанымен, діни сабақтар жасырын түрде жалғасуда. Мұндай әрекеттердің арты қайда апарарын елестету қиын емес.
Ата-аналардың бір бөлігі де бұл мәселеге салғырт қарап отыр. Балаларын дұрыс тәрбиелеу мен бақылау – олардың бірінші кезектегі міндеті екенін ұмытпау керек. Әлеуметтік жауапкершілік тек мемлекет пен құқық қорғау органдарына ғана емес, әрбір отбасына да жүктелген.
Бұл оқиға Қазақстандағы діни білім мен сенім бостандығының, сондай-ақ ұлттық қауіпсіздіктің нәзік теңгерімін тағы бір мәрте еске салады. Біз бәріміз – қоғам ретінде, ата-аналар, ұстаздар, билік өкілдері бірігіп, жас ұрпақты радикалды ағымдардан қорғау үшін күш салуымыз керек.
Жастарымыздың болашағы – біздің қолымызда. Сол болашаққа таза, әділ және бейбіт Қазақстанды қалдыру – әрқайсымыздың парызымыз.