📍 Орталық Азия, 15 сәуір 2025 ж. – Munarmedia ақпарат агенттігі .
Қазақстанда цифрлық қызметтердің дамуы азаматтардың күнделікті өмірін едәуір жеңілдетіп жатыр. Енді көлік жүргізушілері егер жол қозғалысы ережесін (ЖҚЕ) бұзғаны үшін салынған айыппұлды негізсіз деп есептесе, оны онлайн түрде оңай әрі тез даулауға мүмкіндік бар.
YouTube-арна “Қазақстан Подешевле” жазылушыларының бірі осындай сәтті тәжірибесімен бөлісті. Ол жазылған айыппұлды небәрі екі күн ішінде жойта алған.
Жағдай былай болған: жүргізушіге тұтас сызықты кесіп өткені үшін айыппұл салынған. Алайда оның айтуынша, бұл әрекетке оны жолды жауып қалған бұзылған көлік мәжбүрлеген. Айыппұлмен келіспеген азамат оны төлеместен бірден шағымдану процесін бастап кеткен.
Міне, бұл процедура қалай жүреді:
Айыппұлға онлайн шағымдану тәртібі:
-
qamqor.gov.kz сайтына кіріп → “Әкімшілік құқық бұзушылықтарды даулауға” өту → ЭЦҚ арқылы авторизациядан өту → “Әкімшілік құқық бұзушылықтар” бөліміне кіру.
-
Камера жазбасынан видео мен фото фрагментін алып, скриншот жасау. Ол үшін “Құжат” белгішесін басып → “Фото-видеоны қарау” батырмасын таңдау қажет.
-
Сайтта шағым жолдау: жағдайды түсіндіріп, дәлелдермен (видео, скриншоттар, еркін формадағы түсініктеме) бірге өтініш жіберу.
-
Жауап күту. Бұл жағдайда шағым келесі күні-ақ қанағаттандырылған.
Маңызды ескерту:
-
Айыппұл туралы хабарлама алынған күннен бастап 10 күннің ішінде шағым түсіру қажет.
-
Шағым қаралып жатқан кезде айыппұл бойынша өсім есептелмейді.
-
Егер шағым қабылданбаса, шешім шыққан күннен бастап 10 күн ішінде төлеу керек болады, бірақ бұл жағдайда жеңілдік қолданылмайды.
📷 Фото: Ашық дереккөздер