Жыл сайын арнайы квота бөлінеді

«2024 жылы жалпы грант санының 20%-ы су тасқынынан зардап шеккен өңірлердің талапкерлеріне бөлінеді», - деді ҚР ҒЖБМ Жоғары және жоғары оқу орнынан кейінгі білім комитетінің төрағасы Гүлзат Көбенова.

Сонымен қатар, 2022 жылдан бастап беделді халықаралық пәндік олимпиада, жарыс, конкурс жүлдегерлері мемлекеттік грантқа ҰБТ-сыз ие бола алады. Мемлекеттік грант конкурсында балдардың теңдігі жағдайында басымдық «Алтын белгі» иегеріне беріледі. Биыл 7 мыңнан астам «Алтын белгі» иегері бар. Өткен жылдан бастап әскери борышын өтегендер ҰБТ-сыз әңгімелесу арқылы тек ақылы негізде оқуға түсе алады немесе ЖОО-ның ішкі гранттарына үміткер болады.

«Білім беру гранты иегерлерінің тізімі 10 тамызға дейін жарияланады. ЖОО-ға құжат қабылдау 25 тамызға дейін жүзеге асырылады», - деді министрлік өкілі.