«Жындыханаға апаруға қимайды»: Айгүл Орынбек қоғамға қауіпті балалар туралы дабыл қақты

Депутаттар, ата-ана баласының ауытқуы бар екенін біліп, ауруын жасырып үйінде ұстаса қылмыстық жауапкершілікке тартатын заң шығару керек. Себебі бұндай аурумен ауыратындар біздің елде көп! Бұл туралы белгілі заңгер Айгүл Орынбек дабыл қақты, деп хабарлайды Sкifnews.kz ақпарат порталы.

Оның пайымдауынша, көп ата-ана миында ауытқуы бар балаларын жындыханаға апаруға қимайды. Салдарымен олар қоғамдағы басқа адамдарға қауіп төндіреді.

«Шизофрения ауруымен ауыратындарға мемлекет тиісті деңгейде көңіл бөлу керек. Қазақтар бұл ауруға онша мән бере бермейді, қазақша «құс келгенде, құс кеткенде ауырады» деп балаларын үйде ұстап отыра береді. Бұл толық жазылмайтын созылмаулы ауру түрі. Бұндай аурумен ауыратын адамдардың фантазиясында шек жоқ. Кейбірінің миы сау адамдардан артық жұмыс істейді. Бізде қаншама ата-ана бұндай диагнозы бар балаларын үйлерінде ұстап отыр», - деп жазды заңгер