Оқиға Батыс Қазақстан облысы Тасқала ауданында болды. Алаяқтар 54 жастағы мұғалімнің атынан төрт бірдей банктен несие рәсімдеген. Сөйтіп оны 9 млн теңге шығынға қалдырған.
Қазіргі кезде ҚР ҚК 190-бабына сәйкес тергеу амалдары жүргізілуде.
Еске салайық, алаяқтар Ұлттық қауіпсіздік комитеті мен банктің қауіпсіздік қызметінің мамандарымыз деп өздерін таныстырып, азаматтарға хабарласады. Олар жәбірленушілердің есепшоттарын қорғаймыз деген сылтаумен қаржысын иемденіп кетіп жатыр.
Облыстық полиция департаменті тұрғындарға абай болу керектігін, банктік карта деректерін, құпия сөздер мен SMS арқылы келетін растау кодтарын телефон арқылы ешкімге айтпау керектігін еске салады.
Мұғалімнің атынан 9 млн теңге кредит рәсімдеген
Бөлісу:
