Munarmedia.kz. 13.10.2026. ASTANA-Германияның оңтүстігінде, Швейцариямен шекаралас орналасқан Боден көліндегі су деңгейі тарихи төмен көрсеткішке дейін түсіп кеткен. BILD басылымының мәліметінше, қазан айының басында көлдегі су деңгейі шамамен 2,5 метрге дейін төмендеген. Бұл әдеттегі маусымдық деңгейден бір метрден астам аз.
Судың тартылуы кеме қатынасына да әсер еткен. Кейбір айлақтарға кіру қиындап, жолаушылар кемелерінің қозғалысы уақытша тоқтатылған.
BILD басылымының шамамен жасаған есебіне сәйкес, көлдегі су көлемі маусымдық орташа көрсеткішпен салыстырғанда 568 миллиард литрге аз. Бұл көлдің жалпы су қорының шамамен 1,2 пайызына тең.
Мамандар су деңгейінің төмендеуін ұзаққа созылған құрғақшылықпен, аптап ыстық жазбен және Альпі тауларынан келетін су ағынының азаюымен байланыстырады.
Сарапшылардың болжамынша, көлдегі су деңгейін айтарлықтай көтеру үшін күз бен қыс мезгілінде ұзақ уақыт бойы мол жауын-шашын түсуі қажет.
#Munarmedia #Германия #БоденКөлі #Климат #Құрғақшылық #Экология