Ұлттық құрама дзюдошысы Ғұсман Қырғызбаев (66 кг) Париж Олимпиадасында серб Страхиня Бунчичті жығып, қола медаль жеңіп алды.
Бұл қазақ дзюдосы тарихындағы триумф! Парижде алғаш рет олимпия ойындарында біздің команда 1 алтын, 1 қола жүлдеге қол жеткізді. Кеше Елдос Сметов дзюдодан Олимпиада чемпионы атанған тұңғыш қазаққа айналды.
«Қуан, Қазақ елі! Дзюдошы Ғұсман Қырғызбаев — Олимпия ойындарының қола жүлдегері! Білекті де жүректі балуанымыз ел мерейін асырып, сенімді ақтады! Ғұсманның өнерін арнайы барып тамашаладым. Өте мықты балуандармен бетпе-бет келді. Қара күші мен мінезінің арқасында осы деңгейге жетті. Олимпиадаға мықты спортшылар ғана қатысатынын ескерсек, қола да жақсы нәтиже. Париж төрінде Қазақ дзюдосының жаңа тарихы жазылып жатыр. Кеше Елдос Сметов чемпион атанды. Әбиба Әбужақынова жанкешті өнер көрсетті. Енді, міне, Ғұсман намысты қолдан бермеді. Жарайсың, Ғұсман!», - деді Ермек Маржықпаев.
Ғұсман Қырғызбаев - Париж олимпиадасының қола жүлдегері
Ұқсас материалдар

ҚазҰУ-де бір ай ішінде екі студент қайтыс болды: Ғылым министрлігі кешенді тексеру жүргізеді
🕒 19.11.2026 12:26 · 👁 1
АҚШ-тың Иранға қарсы санкциялық бақылауы Орталық Азия елдерінің саудасына қауіп төндіруі мүмкін
🕒 19.11.2026 12:23 · 👁 1
2045 жылға қарай Орталық Азиядағы жүк ұшақтарының саны 450-ге жетуі мүмкін – Airbus болжамы
🕒 19.11.2026 12:11 · 👁 0
