"Крокустағы" теракт. Зал иесі алғаш рет пікір білдірді

Араз Агаларов оқиғаны жалпы адамзаттық құндылықтар тұрғысынан түсіндіруге келмейтінін және лаңкестік әрекет құрбандарының отбасыларына көңіл айтты. Сонымен қатар ол теракт кезіндегі күзетшінің қазасы туралы да хабарлады. Оның айтуынша, лаңкестер залға есіктен емес, көршілес көрме орталығының терезесі арқылы кірген. "Автоматтармен бетпе-бет келген және көргендерінің бәрін ата бастаған. Барлық адамға, оның ішінде күзетшілерге оқ жаудырды. Бір күзетші қаза тапты, екіншісі жараланды. Бұл тіпті күзетші емес. Біз оларды "бақылаушы" деп атаймыз", – деді Crocus Group компаниялар тобының президенті және иесі. Естеріңізге сала кетейік, 22 наурызда Мәскеу түбіндегі Crocus City Hall ғимаратында теракт болды. Музыкалық топтың концертіне мыңдаған адам келді. Алдын ала мәліметтер бойынша, ғимаратқа бетпердесіз камуфляж киген белгісіз үш ер адам кіріп, адамдарды оқ атуға кіріскен. Мәскеу облысының денсаулық сақтау министрлігі лаңкестік әрекеттен үш баланың қаза тапқанын хабарлады. Жалпы, Ресейдің Тергеу комитетінің мәліметінше, Crocus City Hall-да болған терактіде қаза тапқандар саны 130-дан астам.