Ресей Қазақстаннан көмек сұрады

Санкцияға байланысты көрші ел Қазақстаннан ішкі әуе тасымалымен қамтамасыз етуді сұрады. Олар осылайша елімізден Ресей нарығына шығуды өтініп отыр.

Ресей көлік министрлігінің мәліметінше, екі ел арасында келіссөздер жүргізіліп жатыр.

Украинамен соғыс басталғанға дейін Ресейде 850-ге жуық ұшақ болса, бір жылдан кейін олардың саны 736-ға азайған. Себебі, Ресейге санкция салынған соң, елге ұшақтар мен оларға қажетті қосалқы бөлшектер жеткізу тоқтаған.

Бұған дейін, ресейлік шенеунік Константин Затулин Украинаның басып кіруі кезінде, көмекке кімді шақырамыз, қазақтарды ма, деп менсінбеген сыңай білдірген еді.